Семёнов, Иван Ильич

Иван Ильич Семёнов
Иван Ильич Семёнов
Чыккан öйи	1915 јыл
Чыккан jери	Туйакты јурт, Оҥдой аймак, Алтай Республика
Божогон öйи	1945 јыл кочкор айдыҥ 18 кӱни
Божогон jери	Польша
Ороон	СССР
Черÿниҥ бÿдÿми	артиллерия
Черÿде jылдары	1938 јыл-1945 јыл
Званиези	старший лейтенант, Кызыл Черӱ, СССР
Jуу/согуштар	Ада Тӧрӧл учун Улу јуу

Иван Ильич Семёнов (1915 јылда Туйакты јурт, Оҥдой аймак, Алтай Республика — 1945 јыл, Польша) — старший лейтенант, артиллерия, Кызыл Черӱ, Ада Тӧрӧл учун Улу јууныҥ туружаачызы 1945 јыл, Советский Союзтыҥ Геройы (1945 јыл)^[1].

Биографиязы

Иван Семёнов 1915 јылда Туйакты јуртта, Оҥдой аймакта, чыккан (эмдиги — Оҥдой аймак Алтай Республика). Алты класс божоткон. 1938 јылда Семёновты Кызыл Черӱге апарган. 1941 јылда ол командирлердиҥ курсын божоткон. Ол ло јылдаҥ бери Ада Тӧрӧл учун Улу јууныҥ туружаачызы^[1].

1945 јылдыҥ кочкор айынаҥ бери старший лейтенант Иван Семёнов огневой взводтыҥ командири 887-чы стрелковый полктыҥ 211-чи стрелковый дивизияныҥ 38-чи армияыҥ 4-чи Украин фронттыҥ. 1945 јылда кочкор айдыҥ 18 кӱнинде Семёновтыҥ взводы Яжемковиц (Польша) јурттаҥ ӧштӱлерди сӱрген. Канду согуштыҥ ӧйинде ол бойы орудиеге туруп, качан снарядтар божой берерде — пулемёттыҥ кийнине јажынып алала казыр ӧштӱлерди адып, плацдармды немецтерге бербеген. Бу согушта Семенов И. И. јада калган. СССР Ӱстӱги Совединиҥ Президиумыныҥ 1945 јылда кичӱ изӱ айдыҥ 29 кӱнинде чыккан јакааны айынча, немец-фашист ӧштӱлерле карам-кайрал јок јуулашкан учун, старший лейтенант Иван Семёновко Советский Союзтыҥ Геройы деп нерелӱ ат адалган. Анайда ок Ленинниҥ ордениле, Ада Тӧрӧл учун Улу јууныҥ 1-чи ле 2-чи тектелӱ ордендериле, Кызыл Чолмон Орденле, база јӱзӱн медальдарла кайралдаткан^[1]^[2].

Кереес

Семёновтыҥ адыла Оҥдой јуртта ороом адалган.

Кайралдары

СССР Ӱстӱги Совединиҥ Президиумыныҥ 1945 јылда кичӱ изӱ айдыҥ 29 кӱнинде чыккан јакааны аайынча старший лейтенант Иван Семёновко Советский Союзтыҥ Геройы деп нерелӱ ат адалган,
Ленинниҥ ордени,
Алтын Чолмон медаль,
Кызыл Чолмон орден,
Ада Тӧрӧл учун Улу јуу]ныҥ 1-чи тектелӱ ордени,
Ада Тӧрӧл учун Улу јуу]ныҥ 2-чи тектелӱ ордени.

Јуруктардыҥ кӧмзӧзи

Кайралдаар лист
Совет Черӱниҥ военный заключениези
Совет фронттыҥ военный заключениези

Онойдо ок кöр

Советский Союзтыҥ Геройлорыныҥ тизими (Алтай Республика)

Ајарулар

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Боевая слава Алтая. 3-е изд., испр. и доп. Барнаул. 1978. / стр. 226.
Боевая слава Горного Алтая. Горно-Алтайск, 1984. / стр. 69—72.
Кузнецов И. И., Джога И. М. Алтайдыҥ Алтын Чолмондоры. Барнаул, 1982. / стр. 183.
70 лет Победы в Великой Отечественной войне. 1945-2015. – Горно-Алтайск, 2015. – С. 26.

Тайантылар

Игорь Сердюков. Иван Ильич Семёнов (орус.). Сайт «Герои страны». Дата обращения: кандык айдыҥ 13 кӱни, 2016.

[путеводитель-1] ¹ ² ³ Историко- архивный путеводитель Горного Алтая / Семёнов, Иван Ильич

[2] Наши герои. Часть вторая | Новости Горного Алтая | Новости Республики Алтай

[1]

[2]