Партизан магыныҥ калазы
«Партиза́н магыныҥ калазы» (орус. Го́род партиза́нской сла́вы) — (каланыҥ статузы јок јурттарды «Партизан магыныҥ јурты», "Партизан магыныҥ јон јаткан јерлери" деп нерелӱ ат берер варианттар бар) — регионал нерелӱ ат, Брянск областьтыҥ јурттарына берилип турган, « партизан кыймыгуныҥ јанында эмезе партизандар ла подпольщиктер, јуртыҥ эл-јоны јалтанбай, јӱрӱмин карамдабай, јуучыл јалтабазын кӧргӱзип немец-фашисттерле јуулашкан учун» берилген.
Брянск областьтыҥ 73-З темдектӱ 2010 јылда ӱлӱрген айдыҥ 8-чи кӱнинде чыккан, 2011 јылда чаган айдыҥ 1-чи кӱнинеҥ ала иштеп баштаган јасагы, кандый јуртарга ла јон јаткан јерлерге нерелӱ атты берерин, оныҥ учурын јартаган[1]
1960 јылдардыҥ ортозынаҥ бери «Партизан магыныҥ калазы» деп атты Брянск кала аданып баштаган. 1971 јылда Брянск калага Орёл кала јанынаҥ кирер јолдо кереес темдек тургузылган. 2010 јылда Брянск калага «Јуучыл магыныҥ калазы» деп нерелӱ ат берилген. Эл-јон ортодо «Брянск — партизан магыныҥ калазы» деп эмдиги айдыжат.
Партизандардыҥ јалаҥы Брянск
Виноградовтыҥ турган јери, јердиҥ алдында јапаш
Партизан кыймыгуныҥ тӱӱкизиниҥ музейи
2011 јылда чаган айда Брянсктыҥ областной думазына Дятьково калага — «Партизан магыныҥ калазы» ла јон јаткан јерге Сещага — «Партизан магыныҥ јурты» нерелӱ ат берер деп окылу баштану бичилген. 2011 јылда кандык айдыҥ 28-чи кӱнинде бу эки јуртка нерелӱ ат берилген.[2]
2012 јылда кичӱ изӱ айдыҥ 28-чи кӱнинде «Партизан магыныҥ јон јаткан јери» деп нерелӱ атты Клетняга, «Партизан магыныҥ јурты» — Севск аймактыҥ Хинель јуртына берилген[3].
2013 јылда кӱӱк айдыҥ 30-чи кӱнинде «Партизан магыныҥ јон јаткан јери» деп нере атты Белая Берёзка, «Партизан магыныҥ јурты» — Брянск аймактыҥ Журиничи деп јуртка берген[4].
«Партиза́н магыныҥ калазы» деп атты кезик калалар бойлоры аданып эдинет — темдектезе, Украинада Путивль кала[5].
Јуруктардыҥ кӧмзӧзи
Дятьково кала
Жуковка кала
Јон јаткан јер Клетня
Ајарулар
- ↑ Закон Брянской области «О почётных званиях Брянской области „Город партизанской славы“, „Посёлок партизанской славы“, „Село партизанской славы“, „Населённый пункт партизанской славы“»
- ↑ ИА REGNUM: Брянские поселок Сеща и город Дятьково объявлены населёнными пунктами партизанской славы. Дата обращения: кӱӱк айдыҥ 25 кӱни, 2011. Архивировано кӱчӱрген айдыҥ 13 кӱни, 2014 јыл.
- ↑ ИА REGNUM: Хинель и Клетня стали «Населёнными пунктами партизанской славы»
- ↑ Безформата.ру: Два брянских населенных пункта получили «партизанский» статус. Дата обращения: кичӱ изӱ айдыҥ 3 кӱни, 2013. Архивировано кичӱ изӱ айдыҥ 17 кӱни, 2016 јыл.
- ↑ Город партизанской славы // Великая Отечественная война, 1941—1945 : энциклопедия / под ред. М. М. Козлова. — М. : Советская энциклопедия, 1985. — С. 214. — 500 000 экз.