Кикина, Анна Юрьевна

Рувики сайттаҥ
Анна Юрьевна Кикина
Anna Kikina Official Portrait.jpg
Страна  Россия
Специальность космонавт-ченеечи
Экспедиции SpaceX Crew-5,
МКС-68
Дата рождения 1984 јыл куран айдыҥ 27 кӱни
Место рождения Новосибирск, СССР
Награды

Анна Юрьевна Ки́кина (1984 јылда куран айдыҥ 27 кӱнинде, Новосибирскте чык.) — россий космонавт-ченеечи Ю. А. Гагаринниҥ адыла адалган космонавттар белетеер тӧс јер. Телекейдиҥ 592-чи космонавты[1], СССР/Россияныҥ 129-чы космонавты[2] (СССР/Россияныҥ 131-чи гражданини космосто{{#tag:ref|Бу тоого СССР/Россияныҥ профессионал космонавттарынаҥ ӧскӧ космосто 2021 јылда болгон болгон ТПК «Союз МС-19»-ла космический учуштыҥ россий туружаачылары: режиссёр Клим Шипенко ло актриса Юлия Пересильд. Бежинчи эпши--космонавт СССР/Россияныҥ; алтынчы космический учуш эткен россий эпши кижи. 2016 јылдыҥ сыгын айынаҥ ала Роскосмосто космонавттар оотрядында сок јаҥыс эпши болуп јат. Россия спортыныҥ узы. Россия Федерацияныҥ Геройы[3]. 2022 јылда ӱлӱрген айдыҥ 5 кӱнинде Кикина А.Ю. Москва ӧйиле 19:00:57 саатта миссия SpaceX Crew-5 деп американ частный многоразовый космический корабльдыҥ экипажыла кожо (Dragon 2 (космический корабль), компания SpaceX уур ракета-носитель Falcon 9) Международный космический станция јаар учуп чыккан. Космический экспедицияныҥ МКС-68 туружаачызы[2]. Crew Dragon деп корабльла учкан баштапкы россий космонавт болуп јат. 2022 јылдыҥ ӱлӱрген айыныҥ 5 кӱнинеҥ ала 2023 јылдыҥ тулаан айдыҥ 12 кӱнине јетире ол космический учушта болгон.

Биографиязы

[тӱзедер | кодты тӱзедер]

Кикина Анна Юрьевна 1984 јылда куран айдыҥ 27 кӱнинде, Новосибирск калада чыккан. Адазы Юрий Кукин јуучыл врач, Чечен јериндеги јууда канча катап болуп, јуучылдардыҥ јӱрӱмин аргадаган. Энези Ирина тап-эрик корыыр органдарды иштеген. Анна Михаил ле Константин деп карындаштарлу. Јаан эјези уулдарга јозок ло оморкоду. Оныҥ эш-нӧкӧри Александр Сердюк космонавттар белетеер тӧс јерде тазыктыраачы болуп иштейт. Каланыҥ 29 таҥмалу школында (су-кадык јӱрӱм јӱреериниҥ школы) "Јиит аргадаачы" ууламјылу класста ӱренген. 2006 јылда Новосибирскте водно-транспортный академияда инженер-гидротехниктиҥ ӱредӱзин једимдӱ божоткон[4].

Эки јылдаҥ бу ла академияда экономист-менеджердиҥ ӱредӱзин алган. Анна Алтайга келип, эжинериниҥ инструкторы, гид-јол баштаачы болуп, кадет-аргадаачыларды таскадып иштеген[5][4]. 2012 јылга јетире Горно-Алтайск калада "Радио-Сибирь-Алтай" ООО-до радиоберилтелердиҥ ӧткӱреечизи болгон. Ол ок ӧйдӧ Анна Россияныҥ космонавттарыныҥ ченежӱзинде туружып, оныҥ очный бӧлӱгине ӧткӧн. Анайып, оныҥ космонавтикала колбулу јӱрӱми башталган.

Јилбӱлери[тӱзедер | кодты тӱзедер]

Јилбиркек ле шулмус кыс кайда ла туружатан: фотография, јураныш, агашка јалдыктырар јурук, тойбалкашла иштери Новосибирский государственный краеведческий музейде тургузылган, шахматла ойноор. «Юный спасатель» деп класска јӱрӱп таскадынган[6]. 2005 јылда Россия МЧС-ныҥ курстарын божодып, инструктор по обучению населения основам первой медицинской помощи деп спасательдиҥ удостоверениезин алган[7]. Ол спортто ло јаан једимдерге јеткен деп аҥылаар керек. Полиатлонло (многоборье) Россияныҥ спортыныҥ узы. Анна гребной слаломло Горно-Алтайсктыҥ, рафтингле Россияныҥ јуунты командаларыныҥ турчызы болгон. Роскосмосто Анна кажы ла јыл парашютла (тоозы 153-теҥ ашкан) калыырында тазыктыранат. Спортло јилбӱӱзи ого космонавт ижинде јаан болужын јетирет.

Ак айаста[тӱзедер | кодты тӱзедер]

Межведомственный квалификационный комиссия (МВКК) космонавт-ченеечиге кандидат эдип јӧптӧгӧн, белетеништи баштаган. 2012 јылда ӱлӱрген айдыҥ 26 кӱнинде Роскосмостыҥ космонавттарыныҥ отрядына космонавт-ченеечиниҥ јерине кандидат эдип алган[8]. 2012 jылдыҥ ӱлӱрген айдыҥ 30 кӱнинде текшикосмический белетеништи баштаган[9].

2016 јылдыҥ сыгын айынаҥ бери Анна Кикина Роскосмосто космонавттардыҥ отрядында сок јаҥыс эпши[10]. 2022 јылдыҥ ӱлӱрген айыныҥ 5-чи кӱнинде Москваныҥ ӧйиле 19.00:57 саатта Анна Кикина Флорида каладагы Кеннединиҥ адыла адалган[11][8]. Космический тӧс јердеҥ Crew Dragon «Enduance» керепте ак-айаска учкан[12]. Ол Россияныҥ бу керепте учкан баштапкы космонавты. Ак-айаста учуштыҥ Анна "МКС-68-тиҥ" ӧткӱрип турган билим ченелтелеринде турушкан: экологиялык "Дубрава" - бу ченелтеде агашты ӱйттеп турган курттыҥ, ӧрттӧрдиҥ ле оноҥ до ӧскӧ каршулардыҥ агаш аразына једип турган салтарына космический мониторинг ӧткӱрген; "Кардиовектор" - кижиниҥ јӱрегиниҥ ижине, каныныҥ тебӱзине космосто учканы кандый камаанын јетирип турганы ла оноҥ до ӧскӧ ченелтелер ӧткӱреринде турушкан. Бу да ижин Анна эрчимдӱ ле чыҥдый бӱдӱрген. Бир ай кайра, тулаан айдыҥ 11 кӱнинде, кереп МКС-таҥ айрылып, Мексикан заливтиҥ јарадына конгон. Анайып, Анна Кикинаныҥ ак-айасла учужы тӱгенген.


"Барби" наадай эдип турган "Mattei" компания, "Ат-нерелӱ эпшилер" деп ӱлекер аайынча, космонавт Анна Кикинага бӱдӱштеп, учса кийетен кептӱ ле скафандрлу коллекционный наадай чыгарган. Бу ӱлекер кызычактар наадайларла ойноп, бойына бӱдӱп, келер ӧйдӧ јаан једимдерге јетсин, олордыҥ алдында кандый ла аргалар бар деп бӱдӱмјилейт. Барби наадайлар јӱрӱминде бийик једимдерге јеткен эпшилерге учурлалат. Олордыҥ ортозында космонавт Валенина Терешкова база бар.

Кайралдары

[тӱзедер | кодты тӱзедер]
  • Россияныҥ Геройы (2024 јыл кандык айдыҥ 3 кӱни) — јалтанбас ла турумкайы учун, Международный космический станцияныҥ удаан космический учужы тушта[3].
  • Россия Федерациянын лётчик-космонавты (2024 јыл кандык айдыҥ 3 кӱни) — јалтанбас ла турумкайы учун, Международный космический станцияныҥ удаан космический учужы тушта[3].
  • Ю. А. Гагаринниҥ медали (Роскосмос, 2023)[13];
  • Новосибирск каланыҥ кӱндӱлӱ кижизи (2023 јыл кӱӱк ай)[14].

Ајарулар

[тӱзедер | кодты тӱзедер]
  1. ↑ «592-чи космонавт». Алтайдыҥ чолмоны. 11.04.23.
  2. ↑ 2,0 2,1 Космонавт Роскосмоса Анна Кикина отправилась на МКС. Роскосмос (5 ӱлӱрген ай 2022). Дата обращения: ӱлӱрген айдыҥ 6 кӱни, 2022.
  3. ↑ 3,0 3,1 3,2 Указ Президента Российской Федерации от 03.04.2024 № 233 "О награждении государственными наградами Российской Федерации". Официальное опубликование правовых актов (4 тулаан ай 2024). Дата обращения: тулаан айдыҥ 4 кӱни, 2024.
  4. ↑ 4,0 4,1 Кикина Анна Юрьевна. Биография (орус.). Сайт «Космическая энциклопедия». Дата обращения: чаган айдыҥ 21 кӱни, 2019. Архивировано чаган айдыҥ 10 кӱни, 2019 јыл.
  5. ↑ От радиоведущей до космонавта! (орус.) (недоступная ссылка). Сайт «Радио «Сибирь». Дата обращения: чаган айдыҥ 22 кӱни, 2019. Архивировано чаган айдыҥ 23 кӱни, 2019 јыл.
  6. ↑ Ячина А. Наша Анна на «Драконе» // Русский космос. — 2022. — Ӱлӱрген ай. — С. 21—27. Архивировано 7 сыгын ай 2022 года.
  7. ↑ Кикина Анна Юрьевна (орус.). Сайт ЦПК имени Ю. А. Гагарина. Дата обращения: чаган айдыҥ 21 кӱни, 2019. Архивировано чаган айдыҥ 23 кӱни, 2019 јыл.
  8. ↑ 8,0 8,1 В Детско-юношеском центре «Планетарий» состоялся прямой эфир с новосибирским космонавтом Анной Кикиной (орус.).
  9. ↑ Денисов А. «Только не небо». Как Анна Кикина стала шестой россиянкой в космосе (орус.). AiF (7 ӱлӱрген ай 2022). Дата обращения: кочкор айдыҥ 15 кӱни, 2023.
  10. ↑ Тюрин С. Анна Кикина: «О том, что прохожу отбор в космонавты, знал только мой муж!». Роскосмос ТВ (27 чаган ай 2022). Дата обращения: чаган айдыҥ 27 кӱни, 2022. Архивировано чаган айдыҥ 27 кӱни, 2022 јыл.
  11. ↑ Анна Кикина биография. Биография Анна Кикина. Личная жизнь Анна Кикина. — Свободная Пресса (орус.). svpressa.ru. Дата обращения: кочкор айдыҥ 15 кӱни, 2023.
  12. ↑ Запуск корабля Crew Dragon-5 с россиянкой Анной Кикиной к МКС перенесен на 4 октября из-за урагана — NASA. interfax-russia.ru (28 сыгын ай 2022). Дата обращения: сыгын айдыҥ 28 кӱни, 2022. Архивировано сыгын айдыҥ 28 кӱни, 2022 јыл.
  13. ↑ Кикина Анна Юрьевна. Космонавт-испытатель отряда космонавтов Роскосмоса
  14. ↑ Космонавт Анна Кикина и скрипач Вадим Репин стали почетными жителями Новосибирска. ТАСС (31 кӱӱк ай 2023). Дата обращения: кӱӱк айдыҥ 31 кӱни, 2023. Архивировано кӱӱк айдыҥ 31 кӱни, 2023 јыл.

Литература

[тӱзедер | кодты тӱзедер]

Тайантылар

[тӱзедер | кодты тӱзедер]
Алган јери - "https://alt.ruwiki.ru/w/index.php?title=Кикина,_Анна_Юрьевна&oldid=235592"