Баляев, Яков Илларионович

Рувики сайттаҥ
Яков Илларионович Баляев
Яков Илларионович Баляев.jpg
Чыккан öйи 1924 jыл кичӱ изӱ айдыҥ 9 кӱни
Чыккан jери Кажа jурт, Троицкий волость, Бийский уезд, Алтай губерния, РСФСР (эмди — Красногорский аймак (Алтай кырай)
Божогон öйи 1945 jыл куран айдыҥ 14 кӱни
Божогон jери Сейсин, Генерал-губернаторство Корея Хамгён-Пукто, Јопон
Ороон СССР-дыҥ маанызы (1924–1955)
Черÿниҥ бÿдÿми Военно-морской флот СССР (талай пехота)
Черÿде jылдары 1942 jыл—1945 jыл
Званиези матрос
Jуу/согуштар Совет-јопон jуу
Кайралдар ла сыйлар
Герой Советского Союза
Ленинниҥ ордени
Логотип РУВИКИ.Медиа Медиафайлы на РУВИКИ.Медиа

Я́ков Илларио́нович Баля́ев (1924 јыл, кичӱ изӱ айдыҥ 9 кӱни(0006-09-1924), Кажа[d] — 1945 јыл, куран айдыҥ 14 кӱни(0008-14-1945), Чхонджин[d]) (1924 јылда кичӱ изӱ айдыҥ 9 кӱнинде, Кажа jуртта Красногорский аймак Алтай кырай — 1945 jылда куран айдыҥ 14 кӱнинде, Чхонджин Сейсин, Генерал-губернаторство Корея, Јопон[1]) — совет военнослужащий, ВЛКСМ турчызы, совет-jопон jууныҥ туружаачызы, Советский Союзтыҥ Геройы.

Биографиязы

Яков Баляев[2] 1924 jылда кичӱ изӱ айдыҥ 9 кӱни Усть-Кажа jуртта Старобардинский аймак (эмди Красногорский) Алтай кырай крестьянин кижиниҥ билезинде чыккан. Оныҥ билези Турачак аймакка Ойрот автоном область, Албас деп приискке кöчÿп келген. Школдыҥ 7 клазын божодоло, Яков Баляев адазыла кожо шахтада забойщик болуп иштеген. 1942 jылда оны Турачак аймактыҥ военкомады Тымык теҥистиҥ флодына (ВМФ России) Военно-Морской Флотко черÿге алган. 355-чи отдельный морской пехотаныҥ батальонында службада болгон. Фронтко ийзин деп суракту канча катап рапорттор бичиген, jе кажы ла катап командование jöп бербеген.

Ат-нерелÿ кереги

Тÿнде 1945 јылда куран айдыҥ 9 кÿнинде Ырак Кÿнчыгыштыҥ бастыра подразделениелерине Советский башкаруныҥ jарлаганы jеткен, СССР Японияла jуу баштаган, ичкерлеери керегинде военный советтиҥ приказтары чыккан[3].

Краснофлотец Баляев морской пехотаныҥ 355-чи отдельный батальоныда пулемётчик болгон. 1945 јылда куран айдыҥ 14 кÿнинде тÿнде батальон jакылта алган, Сейсин портты (эмди Чхонджин, Корейская Народно-Демократическая Республика (КНДР), колго алып, Корей jарымортолыкка табару эткен Кызыл Черÿге болуш jетирер учурлу болгон.

Каланыҥ jаказында ады jок тöҥ учун тыҥ тартыжу öткöн. Пулемётчик Баляев улам ла позициязын солып, онойдо öштÿниҥ прицельный адыжынаҥ кыйып турган. Ол öштÿнин 3-чи пулемёдын jоголтордо, дзоттор алаатый берерде, рота кöдÿрилип, тöҥгö чыга конгон. Я. Баляев ручной пулемёдын тудунып, ичкери jÿткиген, öштÿни корголjын окторыла адып.

Jе бу öйдö öштÿ дзоттоҥ тыҥ адып баштаган, морской пехотинцтер ойто кöҥкöрилген. Болуш сакыыр керек болгон.

Рота командири приказ берген разведка öткÿрзин деп. Jопондор кайучылдарды аjарган. Кайучылдар тереҥжий кирерде, öштÿлер олорды курчаарга сананган, кайра jолын туйуктаган. Баляев тÿргендеп нöкöрлöрин аргадаарга jÿткиген. Эптÿ позиция таап, ол чике адыжыла разведчик нöкöрлöрине курчуунаҥ чыгарга болужып, эҥ учында бойы чыккан.

Рота ойто ло сопканы аларга ченешкен. Баляев нокорлöриле кожо кырга чыгарга албаданып, олорды пулемёт одыла jöмöгöн. Ол эҥ озо кырга чыккандардын тоозында болгон. Будын шыркаладып, пулемётчик согуштаҥ чыкпаган, нöкöрлöрине болужып, öштÿлерди кырган.

Ондор тоолу самурайларды öлтÿрип, пулемётчик Баляев jуулашкан. Jе удабай экинчи катап тыҥ шыркалаткан. Jопон солдаттар ого калыган, олjого аларга. Jе Баляев калганчы кÿчин jууп, туруп чыгала, пулемёттыҥ прикладыла офицерди ле эки солдатты соккон. Jе öштÿниҥ огы герйдыҥ jÿрÿмин кыйган…

Кайралдары

СССР ÿстÿги Совединиҥ Президиумыныҥ jакааны аайынча 1945 jылда сыгын айдыҥ 14 кÿнинде матрос Баляев Яков Илларионовичке Герой Советский Союзтыҥ Героы деп ат-нере берилген[4].

СССР Оборона министриниҥ jакылтазыла Баляев военно-морской флоттыҥ частьтарыныҥ бирÿзиниҥ личный составына jажын-чакка кийдирилген[5].

Кереес

Яков Баляевтиҥ сööги каланыҥ паркында карындаштык мöҥкÿде jуулган Чхонджин (Сейсинде) (эмди Чхонджин кала, КНДР). Мында Алтайдаҥ келген база 14 солдаттыҥ сööги салынган[3].

Барнаул, Ада-Тöрöл учун Улу jууныҥ

Геройлорына кереес Jеҥÿниҥ 50-јылдыгына учурлалган, 1995 јыл. Яков Баляевтиҥ ады воинский частьтыҥ солдаттарыныҥ тизимине jажын-чакка кийдирилген.

Эмдиги öйдö тургузылган[3]:

  • 1965 јылда (фашист Германияны jеҥгениниҥ 20-јылдыгына учурлалган) Владивостокто Минный каланыҥ jанында ороом Яков Баляевтиҥ адыла адалган;
  • Мемориал доско Владивостокто оныҥ адыла адалган оромдо;
  • Обелиск Владивостокто, ондо Герой Советского Союза Я. И. Баляевиҥ ады бичилген;
  • Фокино калада (Приморский край) мемориал плитада оныҥ öбöкöзи, мында 355-й отдельный гвардейский батальон морской пехоты турган;
  • Воинский мемориал Чхонджин калада;
  • Таштаголдо школ-интернат № 3 jанында бюст, кӱӱк айдыҥ 9 кӱни 1965 j. Jеҥÿниҥ 20-јылдыгы;
  • Таштагол калада кереес, сквер Поспеловтыҥ оромында, кӱӱк айдыҥ 9 кӱни 1985 j. Jеҥÿниҥ 40-јылдыгы[6];
  • Бюст Турачак jуртта;
  • Турачак jуртта эки аннотационный доско;
  • Jууныҥ Геройлорына Барнаул калада кереес, Jеҥÿниҥ 50-јылдыгы.

Геройдыҥ адын аданган[3]:

  • Тральщик «Яков Баляев». 2017 јылда jаҥар айдыҥ 26 кÿнинде Санкт-Петербургта Средне-Невский судостроительный заводто jаҥы корабль тудуп баштаган. Корабльды Советский Союзтыҥ Геройы матрос Яков Илларионович Баляевтиҥ адыла адаган[3][7].
  • Теплоход «Яков Баляев». 1975 јылда  куран айда «Яков Баляевтиҥ» ады пассажирский теплоходко ОМ-334 берилген (Западно-Сибирский речной пароходство)[3].
  • Катер «Яков Баляев». 2015 јылда Государственная инспекция по маломерным судам МЧС России деп тöс jерине Алтай Республикада катер КС-110-75 берилген, ого Яков Баляевтиҥ адын адаган[3].
  • Турачакта школ, Алтай Республика;
  • Таштаголдо школ-интернат, Кемеровский область.

Онойдо ок кöр

Ајарулар

Комментарии
Источники
  1. ↑ ныне — Чхонджин, Корей Народно-Демократический Республика
  2. ↑ Герои страны (международный патриотический интернет-проект)
  3. ↑ 1 2 3 4 5 6 7 МЧС России Навсегда в нашей памяти: Герой Советского Союза Яков Баляев
  4. ↑ Наградной лист в электронном банке документов «Подвиг народа». № записи: 50055546
  5. ↑ На Алтае катеру присвоили имя Героя Советского Союза Якова Баляева
  6. ↑ Акимова М. «Место, которым я горжусь»: памятник Герою Советского Союза Якову Илларионовичу Баляеву, конкурсная работа / М. Акимова, рук.: Л. А. Щербакова. — Таштагол, 2012. — 10 с.: фото.
  7. ↑ Минобороны России Пятый новейший корабль противоминной обороны ВМФ «Яков Баляев» выведен из цеха на Средне-Невском судостроительном заводе в Санкт-Петербурге

Литература

  • Яков Илларионович Баляев (орус.). Сайт «Герои страны».
  • Владивосток: Штрихи к портрету / Отв. ред.: В. А. Дудко, ред.: А. А. Ильин. — Дальневосточное кн. изд-во, 1985.
  • Боевая слава Горного Алтая. Горно-Алтайск, 1984;
  • Великая Отечественная: Комкоры. Том 1. Биогр. словарь. М. — Жуковский, 2006;
  • Герои Советского Союза: крат. биогр. слов. Т.1. — Москва, 1987;
  • Зайцев А. Д., Рощин И. И., Соловьёв В. Н. Зачислены навечно. Кн. 1. М.: Политиз, 1990.
  • Герои Советского Союза: Краткий биографический словарь в двух томах. — М.: Воениздат, 1987—1988. — Т. 1 /Абаев — Любичев/ Пред. ред. коллегии И. Н. Шкадов. — М.: Воениздат, 1987. — 911 с, с портр. — Тираж 100 000 экз.; Т. 2. Любов — Ящук/Пред. ред. коллегии И. И. Шкадов. — М.: Воениздат, 1988. — 863 с, с портр. — Тираж 100 000 экз.

Тайантылар

  

Алган јери - "https://alt.ruwiki.ru/w/index.php?title=Баляев,_Яков_Илларионович&oldid=559024"