Јаҥыјылдык маанычактар
Јаҥыјылдык маанычактар (орус. Нового́дние флажки́) — јарангуштар, јаҥыјылдык чибини ле интерьерди јарандырар. СССР-да јарлу болгон.
Тӱӱкизи
Телекейде
Јаҥыјылдык маанычактардыҥ тӱӱкизи керегинде улус ас билер.
Россий империяда маанычактар ла чиби јарандыратан. Олорды јӱзӱн-башка ӧҥдӱ чаазыннаҥ эдип туратан. Онойдо ок телекейдиҥ ӧскӧ ороондорыныҥ мааныларын база чаазыннаҥ эдетен. 1879 јылда јуралган англий рождествоныҥ чибизиниҥ јуругы табылган, ол јурукта кичинек национал маанылар кӧрӱнет. Је ол мааныларды илјирмеле булабаган, кажы ла мааныны башка сапка буулап салган[1].
СССР-да
1935 јылда СССР-да Јаҥы јылды байрамдаар јаҥжыгуны јаҥыдаҥ баштаган. Маанычактар улайына эдинер јарангуштардыҥ бирӱзи боло берген, олорды јинјилерле, мишурала кожо чибиге илип туратан[2]. Маанычактар јаҥыс јарангуштар болуп турган эмес, онойдо ок агитациялык учурлу болгон.
1936 јылда РСФСР-дыҥ албаты ӱредӱлигиныҥ комиссариады балдардыҥ јаҥыјылдык байрамын канайып ӧткӱрер ле чибини канайып јарандырары керегинде јартамал бичик чыгарган[3]. Бу бичикте јарангуштар эдип кандый ойынчактар чибиге илер ле кандый ӧйгӧ келиштире јаҥыјылдык кеп-кийим белетеери керегинде бичилген. Бу ӧйдӧ дирижабльдар, јуучыл керептер, метро, Кызыл Черӱ керегинде тематика јарлу болгон.
1930 јылдардыҥ учында «Чапаевский» јаҥыјылдык маанычактар чыгарган[2]. Јуучыл темигӱни кӧдӱрип «Коруны тыҥыт» деп оты (набор) чыгарган, олорло коштой чӧрчӧктӧрди ле кышкы ойындарды, лётчиктерди, моряктарды ла водолазтарды јураган. Советский Союз республикалардыҥ мааныларын чыгарып баштаган.
1941 јылдаҥ ала 1945 јылга јетире маанычактарда јуу керегинде јуруктар јураган. Маанычактарда танктар, ракеталар ла јуучылдарды јурайтан[4].
Јууныҥ кийнинде тындуларды, балдардыҥ ойындарын јураган. Бу ла ӧйдӧ орус чӧрчӧктӧрдиҥ геройлоры ла јарлу персонажтарды Айболитти, Незнайканы, Крокодил Генаны маанычактарда јураган.
1960 јылдарда эки јанын јурап салган манычактар: бир јанында чӧрчӧктӧрдиҥ геройлоры, экинчи јанында: космонавттар, кӧӧлӱктер, Кызыл тепсеҥде јуучыл парад[2].
Бу ӧйдӧ маанычактарга јарлу клоундарды, телекейлик чӧрчӧктӧрдиҥ геройлорын: тураныҥ ӱстӱнде јадып турган Малыш ла Карлсонды, Чиполлиноны, Винни-Пухты, оловянный солдатикты јурап баштаган.
Јуруктардыҥ кӧмзӧзи
Соок Таадак јаҥыјылдык маанычакта
Темдек эдилген јаҥыјылдык маанычактар
Јаҥыјылдык маанычактарда совет цирк
Чӧрчӧктӧрдиҥ ле литератураныҥ геройлоры јаҥыјылдык манычактарда
Јаҥыјылдык маанычактар
Производствозы
СССР-да чыгарган маанычактар ӱч бӱдӱмдӱ: ӱч толыкту, тӧрт толыкту ла тӧрт толыкту алды јанынаҥ кезип салган.
Јарлу јурукчылар јураган маанычактарын кӧргӱзетен. Темдектезе, Георгий Ковенчук ла Пётр Бучкин[2].
СССР-да јаҥыјылдык маанычактарды типографияда кӧп калалар: Москвада, Ленинградта, Дондо Ростовто, Свердловскта, Харьковта, Львовто, Минскте, Таллинде чыгарып баштаган.
Белен маанычактарды учукка илеле илјирмелер эдип, болчоктой тудып буулайла, чаазынга ороп јапшырала бандероль эткен[3].
Эмдиги ӧй
Эмдиги ӧйдӧ јаҥыјылдык маанычактарла винтажный декор эдип тунгандар јилбиркеп, олорды коллекцияларына јууп баштаган[5].
Ајарулар
- Комментарии
- Источники
- ↑ Вопрос дня. Флажки новогодние СССР (1975 год). Межпоселенческая библиотека Советского района. Дата обращения: јаҥар айдыҥ 17 кӱни, 2024.
- ↑ 1 2 3 4 Леонид Крайнов-Рытов. Что растёт на елке?. http://seledkagazeta.ru/. Дата обращения: јаҥар айдыҥ 17 кӱни, 2024.
- ↑ 1 2 Не растут на елке пряники и флаги. buzeon.ru. Дата обращения: јаҥар айдыҥ 17 кӱни, 2024.
- ↑ Новогодние флажки: уникальные елочные украшения стали достоянием музея-заповедника «Коломенское». Нагатинский Затон (21 јаҥар ай 2018). Дата обращения: јаҥар айдыҥ 17 кӱни, 2024.
- ↑ Новогодние традиции советского прошлого - игрушки, флажки, гирлянды, звезды, маски для новогоднего праздника!. Журнал Auction.ru (22 кӱчӱрген ай 2023). Дата обращения: јаҥар айдыҥ 17 кӱни, 2024.
Тайантылар
|
Бу материалдыҥ ээзи АНО «Интернет-энциклопедия «РУВИКИ» болуп јат. Бу материалды ӧскӧ сайттарда тузаланарга АНО «Интернет-энциклопедия «РУВИКИ»ниҥ јӧби керек. |